News and events

ئەکادیمیای هاوینەی تایبەت بە گرافیک دیزاین بە سەرکەوتویی کۆتاییهات

posted Sep 22, 2021, 10:34 AM by Barham Khalid Ahmed   [ updated Sep 22, 2021, 10:36 AM ]

پەیمانگای گۆتەی ئەڵمانی و زانکۆی برێمەن و زانکۆی سلێمانی ئەکادیمیای هاوینەی تایبەت بە گرافیک دیزاین لە کۆلێژی زانستە مرۆڤایەتییەکان بەڕێوەبرد کە تێیدا ٢٥ خوازیار لە سەرجەم شارەکانی عێراقەوە بەشدارییان تێداکرد و بە ئامادەبوونی کونسوڵی ئەڵمانیا و پارێزگاری سلێمانی و سەرۆکی زانکۆی سلێمانی و بەرێوەبەری پەیمانگای گۆتە بڕوانامە بەسەر بەشداربوواندا دابەشکرا.

پرۆژەکە ماوەی سێ هەفتەی خایاندو تێیدا وانەکانی تایبەت بە گرافیک دیزاین لە لایەن هەریەک لە مەیسە سوڵتان و محمد جابر و ساموئێل نیهۆڵن بە خوازیاران وترانەوە کە بە درێژایی سێ هەفتەی رابردوو لە هۆڵەکانی کۆلێژی زانستە مرۆڤایەتییەکان بەڕێوەچوو.

پرۆژەی ئەکادیمیا هاوینەکە بەشێکە لە پرۆژەی درێژخایەنەی خان الفن بە مەبەستی گەشەپێدانی ئابوری کەلتوری و دیزاین کە لەلایەن پەیمانگای گۆتەی ئەڵمانی بە پاڵپشتی دارایی GIZ بەڕێوەچوو بە هاوکاری زانکۆی برێمەن و هەردوو کۆلێژی زانستە مرۆڤایەتییەکان و هونەر لە زانکۆی سلێمانی. مامۆستا شیروان خان، رێکخەری پرۆژەکە رایگەیاند کە ئەم پرۆژەیە وەک بنەمایەک وایە بۆ کردنەوەی بەشی گرافیک دیزاین لە کۆلێژی هونەر لە زانکۆی سلێمانی لە ماوەی ئایندەدا.

لە دوا رۆژی پرۆژەکەدا بە ئامادەبوونی د.هەڤاڵ ئەبوبەکر پارێزگاری سلێمانی و سڤێن مۆسلەر کونسوڵی گشتی کۆماری ئەڵمانیای فیدراڵ و د. رەزا حەسەن، سەرۆکی زانکۆی سلێمانی و ئەنەیس بۆیڵێک، بەڕێوەبەری پەیمانگای گۆتە لە عێراق و د. ئیبتیسام ئیسماعیل، راگری کۆلێژی زانستە مرۆڤایەتییەکان و د.رێبوار سەعید، راگری کۆلێژی هونەر و ژمارەیەک لە مامۆستایانی زانکۆ مەراسیمی سەرکەوتنی پرۆژەکە بەڕێوەچوو.

سەرۆکی زانکۆی سلێمانی سوپاسی رێکخەرانی پرۆژەکەی کردو ئامادەیی زانکۆی بۆ درێژەدان بە پەیوەندییەکان لەم بوارەدا دەربڕی و پارێزگاری سلێمانیش دەستخۆشی لە ئەنجامدانی ئەم پرۆژە هاوبەشەکرد وەک پەرەدان بە بواری کەلتوری و هونەری کە خزمەت بە پارێزگای سلێمانی دەکات وەک پایتەختی رۆشنبیری هەرێم. لەلای خۆیەوە کونسوڵی ئەڵمانیا لە هەرێم ئامادەیی وڵاتەکەی دووپاتکردەوە لە ئەنجامدانی پرۆژەکانی گەشەپێدانی فەرهەنگی و زانستی و کەلتوری  ستایشی سەرکەوتنی پرۆژەکەی کرد و پیرۆزبایی لە بەشداربوانی پرۆژەکەکرد. هەروەک بەرێوەبەری پەیمانگای گۆتە ئاماژەیدا بە گرنگی ئەم پرۆژەیە لە بواری هونەر و بەڵێنی پاڵپشتی زیاتریدا لەم بوارەدا لە هەنگاوەکانی ئایندەدا. لە کۆتایی مەراسیمەکەشدا بڕوانامەی بەشداربوون بەسەر خوێندکارانی پرۆژەکەدا دابەشکرا.



شاندێکی ئیتاڵی لە بواری شوێنەوارناسی سەردانی کۆلێجی زانستە مرۆڤایەتییەکان دەکەن

posted Sep 13, 2021, 12:37 PM by Barham Khalid Ahmed

شاندێکی ئیتاڵی کە بەمەبەستی کنە و پشکینین لە بواری شوێنەوار لە هەرێمی کوردستانن سەردانی کۆلێجی زانستە مرۆڤایەتییەکان دەکەن و لەگەڵ ئەنجومەنی کۆلێج کۆبونەوە و رێککەوتن لەسەر ئەنجامدانی کاری زانستی هاوبەش.

رۆژی دووشەممە ١٣ی٩ی٢٠٢١ شاندێکی وڵاتی ئیتاڵیا بە دەستپێشخەری بەرێز سۆران یاسین، سکرتێری ئینستیتوتی کورد لە رۆما و د.لوکا کۆللیڤا کە پسپۆڕی شوێنەوارە و هەروەها رۆژنامەنوس و فۆتۆگرافەر لویجی سەردانی کۆلێجی زانستە مرۆڤایەتییەکانیان کرد و لەلایەن د. ئیبتیسام ئیسماعیل، راگری کۆلێج  و د. ئامانج حەسەن، یاریدەدەری راگر و د. کۆزاد ئەحمەد، سەرۆکی بەشی شوێنەوار و ئەندامانی دیکەی ئەنجومەنەوە پێشوازیکران و لە کۆبونەوەیەکدا رێککەوتن لەسەر  ئەنجامدانی کاری هاوبەش  لە بواری کوردناسی و لێکۆڵینەوە و ئەنجامدانی ۆورکشۆپ و کۆنفرانسی زانستی لەگەڵ زانکۆی سلێمانی. 

 جگە لەوەش شاندەکە سەرقاڵی چەند پرۆژەیەکی دیکەن لەگەڵ بەڕێوەبەرایەتی گشتی شوێنەوار و بەڕێوەبەرایەتی شوێنەواری گەرمیان بۆ دەستکردن بە پرۆسەی کنە و پشکنین لە کەلار بەدیاریکراوی لە شوێنەوارێکی سەردەمی ئەشکانی کە گرنگییەکی زۆری هەیە. هەروەک بەرێز سۆران یاسین رایگەیاند کە پەیوەندییەکی باشیان لەگەڵ ناوەندە ئەکادیمییەکانی ئیتاڵیا دروستکردووە و زیاتر لە ٢٠٠ توێژەر و پسپۆڕی رۆژهەڵاتناسی و کوردناسی لە ئیتاڵیا هاوکارییان دەکەن.


وادەی پێشکەشکردن بۆ بەشی پەیوەندییە گشتییەکان لە کۆلێجی زانستە مرۆڤایەتییەکان درێژکرایەوە

posted Sep 9, 2021, 4:35 AM by Barham Khalid Ahmed   [ updated Sep 9, 2021, 4:36 AM ]

بۆ ساڵی خوێندنی ٢٠٢١-٢٠٢٢ بەشی پەیوەندییە گشتییەکان لە کۆلێجی زانستە مرۆڤایەتییەکان دەکرێتەوە و بۆ ئەمساڵی خوێندن خوێندکارانی دەرچووی ١٢ی ئامادەیی دەتوانن داواکاری بۆ خوێندن لە بەشەکە پێشکەش بکەن. خوازیاران دەتوانن هەتا کۆتایی دەوامی رۆژی پێنجشەممە ١٦ی٩ی٢٠٢١ فۆرمی داواکاری وەربگرن.

بە گوێرەی فەرمانێکی زانکۆیی، بۆ ئەمساڵی خوێندنی ٢٠٢١-٢٠٢٢ بەشی پەیوەندییە گشتییەکان لە کۆلێجی زانستە مرۆڤایەتییەکان دەکرێتەوە و هەر ئەمساڵیش خوێندن لە بەشەکە دەستپێدەکات و خوێندکاران دەتوانن بە شێوەی راستەوخۆ داواکاری بۆ خوێندن لە بەشەکە پێشکەش بکەن بۆ خوێندنی ئاسایی و پارالێڵ.

هەروەها بە پێی فەرمانێکی زانکۆیی کە لە لایەن د. رەزا حەسەن، سەرۆکی زانکۆی سلێمانییەوە دەکراوە بڕیاردراوە بە دانانی د. لانە صابر محمد پرۆفیسیۆری یاریدەدەر، وەک سەرۆکی بەشی پەیوەندییە گشتییەکان. 

وەرگرتن لە بەشەکە بە شێوەی راستەوخۆ دەبێت و چەند مەرجێک دیاریکراوە بۆ وەرگرتنی خوێندکاران کە ئەمانەن:

١- خوێندکار دەرچووی ساڵی خوێندنی ٢٠١٩-٢٠٢٠ و هەروەها ٢٠٢٠-٢٠٢١ بێت بۆ هەردوو بەشی زانستی و وێژەیی.
٢-کۆنمرەی گشتی خوێندکار ٧٠٪ کەمتر نەبێت. بۆ شێوازی خوێندنی ئاسایی.
٣-کۆنمرەی خوێندکار ٦٥٪ کەمتر نەبێت بۆ خوێندنی پارالێڵ.
٤-تێکڕای نمرەی خوێندکار لە هەریەک لە وانەکانی (کوردی، عەرەبی، ئینگلیزی) لە ٧٠٪ کەمتر نەبێت.
٥-لە کاتی پێشبڕکێدا رەچاوی نمرە دەکرێت بە رێژەی ٦٠٪ ی نمرەکانی تێکڕای ئامادەیی و ٤٠٪ ی نمرەش لەسەر تاقیکردنەوەی لێهاتوویی دەبێت، بە مەرجێک خوێندکار لە تاقیکردنەوەی لێهاتوویی (چاوپێکەوتن) نیوە زیاتر بەدەست بهێنێت.
٦-خوازیاران دەبێت بە بەرگی فەرمی ئامادەی تاقیکردنەوەی لێهاتوویی (چاوپێکەوتن)بن.
٧-کۆتا کات بۆ گەڕاندنەوەی فۆڕمەکان بۆ تۆماری کۆلێجی زانستە مرۆڤایەتییەکان رۆژی پێنج شەممە ١٦ی٩ی ٢٠٢١ دەبێت.
٨-تاقیکردنەوەی لێهاتوویی(چاوپێکەوتن) لە رۆژی یەکشەممە ١٩ی ٩ ی ٢٠٢١ کاتژمێر ٩ لە بەشی پەیوەندییە گشتییەکان لە کۆلێجی زانستە مرۆڤایەتییەکان ئەنجام دەدرێت.

تێبینی: خوازیاران دەتوانن لە رۆژی یەکشەممە ٥ی ٩ی٢٠٢١ ەوە فۆرمی داواکاری لە تۆمارگای گشتی کۆلێجی زانستە مرۆڤایەتییەکان وەربگرن.


بەشی پەیوەندییە گشتییەکان لە کۆلێجی زانستە مرۆڤایەتییەکان دەکرێتەوەو بۆ ئەمساڵ خوێندکار وەردەگرێت

posted Sep 2, 2021, 7:59 AM by Barham Khalid Ahmed

بۆ ساڵی خوێندنی ٢٠٢١-٢٠٢٢ بەشی پەیوەندییە گشتییەکان لە کۆلێجی زانستە مرۆڤایەتییەکان دەکرێتەوە و بۆ ئەمساڵی خوێندن خوێندکارانی دەرچووی ١٢ی ئامادەیی دەتوانن داواکاری بۆ خوێندن لە بەشەکە پێشکەش بکەن.

بە گوێرەی فەرمانێکی زانکۆیی، بۆ ئەمساڵی خوێندنی ٢٠٢١-٢٠٢٢ بەشی پەیوەندییە گشتییەکان لە کۆلێجی زانستە مرۆڤایەتییەکان دەکرێتەوە و هەر ئەمساڵیش خوێندن لە بەشەکە دەستپێدەکات و خوێندکاران دەتوانن بە شێوەی راستەوخۆ داواکاری بۆ خوێندن لە بەشەکە پێشکەش بکەن بۆ خوێندنی ئاسایی و پارالێڵ.

هەروەها بە پێی فەرمانێکی زانکۆیی کە لە لایەن د. رەزا حەسەن، سەرۆکی زانکۆی سلێمانییەوە دەکراوە بڕیاردراوە بە دانانی د. لانە صابر محمد پرۆفیسیۆری یاریدەدەر، وەک سەرۆکی بەشی پەیوەندییە گشتییەکان. 

وەرگرتن لە بەشەکە بە شێوەی راستەوخۆ دەبێت و چەند مەرجێک دیاریکراوە بۆ وەرگرتنی خوێندکاران کە ئەمانەن:

١- خوێندکار دەرچووی ساڵی خوێندنی ٢٠١٩-٢٠٢٠ و هەروەها ٢٠٢٠-٢٠٢١ بێت بۆ هەردوو بەشی زانستی و وێژەیی.
٢-کۆنمرەی گشتی خوێندکار ٧٠٪ کەمتر نەبێت. بۆ شێوازی خوێندنی ئاسایی.
٣-کۆنمرەی خوێندکار ٦٥٪ کەمتر نەبێت بۆ خوێندنی پارالێڵ.
٤-تێکڕای نمرەی خوێندکار لە هەریەک لە وانەکانی (کوردی، عەرەبی، ئینگلیزی) لە ٧٠٪ کەمتر نەبێت.
٥-لە کاتی پێشبڕکێدا رەچاوی نمرە دەکرێت بە رێژەی ٦٠٪ ی نمرەکانی تێکڕای ئامادەیی و ٤٠٪ ی نمرەش لەسەر تاقیکردنەوەی لێهاتوویی دەبێت، بە مەرجێک خوێندکار لە تاقیکردنەوەی لێهاتوویی (چاوپێکەوتن) نیوە زیاتر بەدەست بهێنێت.
٦-خوازیاران دەبێت بە بەرگی فەرمی ئامادەی تاقیکردنەوەی لێهاتوویی (چاوپێکەوتن)بن.
٧-کۆتا کات بۆ گەڕاندنەوەی فۆڕمەکان بۆ تۆماری کۆلێجی زانستە مرۆڤایەتییەکان رۆژی پێنج شەممە ٩ی٩ی ٢٠٢١ دەبێت.
٨-تاقیکردنەوەی لێهاتوویی(چاوپێکەوتن) لە رۆژی یەکشەممە ١٢ی ٩ ی ٢٠٢١ کاتژمێر ٩ لە بەشی پەیوەندییە گشتییەکان لە کۆلێجی زانستە مرۆڤایەتییەکان ئەنجام دەدرێت.

تێبینی: خوازیاران دەتوانن لە رۆژی یەکشەممە ٥ی ٩ی٢٠٢١ ەوە فۆرمی داواکاری لە تۆمارگای گشتی کۆلێجی زانستە مرۆڤایەتییەکان وەربگرن.




یاداشتنامەیەکی لێکتێگەیشتن لە نێوان بەشی شوێنەوار و ئەنجومەنی کۆنەناسانی ئێراندا واژۆکرا

posted Aug 7, 2021, 11:49 AM by Barham Khalid Ahmed

بەشی شوێنەواری کۆلێژی زانستە مرۆڤایەتییەکان یاداشتێکی لێکتێگەیشتنی لەگەڵ ئەنجومەنی کۆنەناسانی ئێراندا واژۆکرد، وەک یەکەم چالاکی هاوبەشیش کۆنفرانسێکی زانستی لە مانگی داهاتوودا ئەنجامدەدەن.

بەمەبەستی هەماهەنگی زانستی و لێکۆڵینەوە لە بواری شوێنەواردا، بەشی شوێنەوار یاداشتێکی لێکتێگەیشتنی لەگەڵ ئەنجومەنی کۆنەناسانی ئێراندا واژۆکرد بە مەبەستی هەماهەنگی لێکۆڵینەوە و ئەزمونەکان و ئاڵوگۆڕی خوێندکاران و وانەبێژان لە نێوان هەردوولادا بڕیاریشە وەک یەکەم بەرهەمی ئەو لێکتێگەیشتنە مانگی داهاتوو کۆنفرانسێکی زانستی هاوبەش تایبەت بە شوێنەوار ئەنجامبدرێت.

هەواڵەکە لە ماڵپەڕی تایبەتی ئەنجومەنەکە بە زمانی فارسی بڵاوکراوەتەوە  





کتێبێکی هاوبەشی مامۆستایانی زانکۆی بۆخومی ئەڵمانیا و زانکۆی سلێمانی بڵاوکرایەوە

posted Jun 30, 2021, 1:30 PM by Barham Khalid Ahmed   [ updated Jun 30, 2021, 1:31 PM ]

کتێبی دەروازەیەک بۆ کاری کۆمەڵایەتی لە ئامادەکردنی بەشێک لە مامۆستایانی بەشی کاری کۆمەڵایەتی و کۆمەڵناسی کۆلێژی زانستە مرۆڤایەتییەکانی زانکۆی سلێمانی و مامۆستایانی زانکۆی ئەپڵاید ساینس ئەڵمانیا بڵاوکرایەوە کە وەک سەرچاوەیەکی زانستی بواری کاری کۆمەڵایەتی سودی لێدەبینرێت.

کتێبەکە بەرهەمی کاری پێکەوەیی هەردوو زانکۆیە لە ماوەی دوو ساڵی رابردوودا کە وەک یەکەمین کتێبی بوارەکەیە کە بە هاوبەشی و بە شێوازێکی زانستی ئامادەکراوە. مامۆستایانی بەشدار لە ئامادەکردنی کتێبەکە بریتییەن لە هەریەک لە د. لوقمان ساڵح کەریم (لوقمان سیوەیلی)، د.نیان نامق صابر، د. ژیا عباس قادر لە زانکۆی سلێمانی و  د. چنور قادری، کریستین سۆننبێرگ لە زانکۆی بوخۆم.

کتێبەکە بە زمانی کوردییە لەلایەن چاپخانەی کارۆوە چاپکراوە و بڕیارە ساڵی داهاتووی خوێندن وەک دیاری ببەخشرێتە خوێندکارانی بەشی کاری کۆمەڵایەتی کە تێیدا بە چەند بەشێک باسی دەروازەکانی کاری کۆمەڵایەتی دەکات. بڕیاریشە هەر لە چوارچێوەی هەماهەنگییەکانی هەردوو زانکۆدا لە ئایندەیەکی نزیکدا کتێبێکی دیکەی هاوبەش بە زمانی ئینگلیزی لە ئەوروپا بڵاوبکەنەوە.


تاوتوێی ماستەرنامەیەک لەسەر رۆڵی بەرنامە تەلەفزیۆنییەکان لە بڵاوکردنەوەی هۆشیاری تەندروستی

posted Jun 30, 2021, 12:56 PM by Barham Khalid Ahmed

تاوتوێی ماستەرنامەی خوێندکاری خوێندنی باڵا (شاکار عەبدولقادرمحەمەد ) لە بەشی راگەیاندنی کۆلێژی زانستە مرۆڤایەتییەکان بە ناونیشانی (رۆڵی بەرنامە تەلەفزیۆنییەکان لە بڵاوکردنەوەی هۆشیاری تەندروستیدا) بەڕێوەچوو.

رۆژی یەکشەممە ٢٧ی ٦ی ٢٠٢١ تاوتوێی ماستەرنامەکە لە هۆڵی بابان لە کۆلێژی زانستە مرۆڤایەتییەکان بەڕێوەچوو. پاش نزیکەی  سێ کاتژمێر گفتوگۆو هەڵسەنگاندنی ماستەرنامەکە،ئەندامانی لیژنەی گفتوگۆ نامەکەیان بە هەندێک دەستکاریییەوە پەسەندکرد.

ئەندامانی لیژنەی گفتوگۆ لەم بەڕێزانە پێکهاتبوو:

١- پرۆفیسۆر د. حەکیم عوسمان حەمید                        زانکۆی پۆلیتەکنیکی سلێمانی           سەرۆکی لیژنە
٢-پرۆفیسۆری یاریدەدەر د. ئیبراهیم سەعید فتح اللە            زانکۆی سلێمانی                            ئەندام
٣-پرۆفیسۆری یاریدەدەر د. رضوان خضر علی               زانکۆی صلاح الدین                       ئەندام
٤- پرۆفیسۆری یاریدەدەر د. سلام نصرالدین محمد            زانکۆی سلێمانی                        ئەندام و سەرپەرشتیار





گفتوگۆی تێزێکی دکتۆرا لە بەشی مێژوو

posted Jun 30, 2021, 12:33 PM by Barham Khalid Ahmed

لە بەشی مێژووی کۆلێژی زانستە مرۆڤایەتییەکان تاوتوێی تێزی دکتۆرای خوێندکار (رەحیم احمد ئەمین) بە ناونیشانی (سەقیفەی بەنی ساعیدە و دەرەنجامەکانی لە دیدی رۆژهەڵاتناسەکانەوە) توێژینەوەیەکی بەراوردکاری بوو بەڕێوەچوو.

تاوتوێی تێزەکە لە رۆژی چوارشەممە  بەرواری  ٢٦ی ٥ی ٢٠٢١ لە هۆڵی بابان لە کۆلێژی زانستە مرۆڤایەتییەکان  بەڕێوەچوو. پاش نزیکەی چوار کاتژمێر گفتوگۆی زانستی لەلایەن ئەندامانی لیژنەی گفتوگۆوە تێزەکە پەسەند کرا.

ئەندامانی لیژنەی گفتوگۆ پێکهاتبوون لە بەرێزان:

١- پرۆفیسۆر د. کەیوان ئازاد ئەنوەر                      زانکۆی سلێمانی                     سەرۆکی لیژنە

٢- پرۆفیسۆر د. صلاح کانبی ئیسماعیل                  زانکۆی سلێمانی                        ئەندام

٣- پرۆفیسۆری یاریدەدەر د. کامل اسود قادر            زانکۆی صلاح الدین                   ئەندام

٤- پرۆفیسۆری یاریدەدەر د. نەریمان عبداللە علی       زانکۆی هەڵەبجە                       ئەندام

٥- پرۆفیسۆری یاریدەدەر د. کامەران عزیز عبداللە     زانکۆی کۆیە                           ئەندام

٦- پرۆفیسۆر د. ئاراس فەریق زەینەڵ                    زانکۆی سلێمانی                    ئەندام و سەرپەرشتیار



سەرۆکی سەنتەری لێکۆڵینەوەی مێژوویی لە زانکۆی بابل سەردانی کۆلێژی زانستە مرۆڤایەتییەکان دەکات

posted Jun 21, 2021, 12:25 PM by Barham Khalid Ahmed

سەرۆکی سەنتەری لێکۆڵینەوەی مێژوویی لە زانکۆی بابل سەردانی کۆلێژی زانستە مرۆڤایەتییەکان دەکات و هەماهەنگی دەکەن بە مەبەستی ئەنجامدانی کۆنفرانس و پەیوەندی زانستی لە نێوان هەردوولادا.

رۆژی پێنجشەممە ١٠ی ٦ی ٢٠٢١ د. ئیبتیسام ئیسماعیل قادر، راگری کۆلێژی زانستە مرۆڤایەتییەکان پێشوازی کرد لە پرۆفیسیۆری یاریدەدەر د. احمد جاسم، سەرۆکی سەنتەری لێکۆڵینەوەی مێژووی لە زانکۆی بابل و لە کۆبونەوەیەکدا بە ئامادەبوونی د.ئامانج حەسەن، یاریدەدەری راگر گفتوگۆکرا دەربارەی دروستکردنی پەیوەندی زانستی بە مەبەستی ئەنجامدانی کۆنفرانس و وۆرک شۆپ و بڵاوکردنەوەی تویژینەوەی زانستی لە نێوان هەردوو زانکۆدا.
هەر لەو دیدارەدا د. احمد جاسم کتێبێکی خۆی دەربارەی جەنگی نێوان سعودیە و یەمەن پێشکەشی د. ئیبتیسام راگری کۆێژ کرد. 

خزمەتگوزارییە گەشتیارییەکانی شاری سلێمانی لە ماستەرنامەیەکی بەشی جوگرافیادا تاوتوێکرا

posted May 16, 2021, 1:08 PM by Barham Khalid Ahmed   [ updated May 18, 2021, 12:53 PM ]


تاوتوێی ماستەرنامەی خوێندکاری خوێندنی باڵا (گەشاو فازڵ فاتح) لە بەشی جوگرافیای کۆلێژی زانستە مرۆڤایەتییەکان بە ناونیشانی (دابەشبوونی خزمەتگوازرییە گەشتیاری و خۆشگوزەرانییەکان لە شاری سلێمانی بە بەکارهێنانی GIS) بەڕێوەچوو.

تاووتوێی ماستەرنامەکە لە هۆڵی بابان لە کۆلێژی زانستە مرۆڤایەتییەکان لە رۆژی یەکشەممە ١٦ی ٥ی ٢٠٢١ بەڕێوەچوو. پاش نزیکەی  چوار کاتژمێر گفتوگۆو هەڵسەنگاندنی ماستەرنامەکە،ئەندامانی لیژنەی گفتوگۆ نامەکەیان بە کەمێک دەستکاریییەوە بە پلەی زۆرباشەی باڵا پەسەندکرد.

ئەندامانی لیژنەی گفتوگۆ لەم بەڕێزانە پێکهاتبوو:

١- پرۆفیسۆر د. جزا توفیق طالب                         زانکۆی سلێمانی                            سەرۆکی لیژنە
٢-پرۆفیسۆری یاریدەدەر د. ئامانج احمد حمد امین         زانکۆی سۆران                                ئەندام
٣- د. بحری سالم فتاح الصفار                             زانکۆی پۆلیتەکنیکی هەولێر                   ئەندام
٤- پرۆفیسۆری یاریدەدەر د. شیروان عمر رشید           زانکۆی سلێمانی                        ئەندام و سەرپەرشتیار








1-10 of 280