News and events

هونەرمەندی گەورە، مەزهەر خالقی سەردانی بەشی فەلسەفە و توێژینەوە کلتورییەکان دەکات

posted by Barham Khalid Ahmed

مەزهەر خالقی، هونەرمەندی گەورەو سەرۆکی ئینستیتوتی کەلەپوری کورد سەردانی بەشی فەلسەفە و توێژینەوە کلتورییەکانی کۆلێژی زانستە مرۆڤایەتییەکان دەکات و گفتوگۆی کاری هاوبەشی زانستی و کلتوری دەکەن.

ئەمڕۆ سێشەممە ٥ی٧ی٢٠٢٢ هونەرمەند، مەزهەر خالقی، سەرۆکی ئینستیتوتی کەلەپوری کورد و هەڵگری بڕوانامەی دکتۆرای فەخری زانکۆی سلێمانی سەردانی کۆلێژی زانستە مرۆڤایەتییەکانی کردو لە لایەن د.ئامانج حەسەن، یاریدەدەری راگر و د. کاوە دەستورە، سەرۆکی بەشی فەلسەفە و توێژینەوە کلتورییەکان و ژمارەیەک لە مامۆستایانی بەشەکەوە پێشوازیکرا.

بە ناوی راگرایەتی کۆلێجەوە بەخێرهاتنی هونەرمەند مەزهەر خالقی کرا کە جگە لە خزمەتی هونەری گۆرانی کوردی ساڵانێکە سەرقاڵی پاراستنی کەلەپوری کوردە لە رێگەی ئینستیتوتەکەیەوە کە توانیویانە چەندین خزمەت لە بواری کەلەپوری و فەرهەنگی کوردی بکەن. خالقی لە کۆبونەوەیەکدا خۆشحاڵی خۆی بە کردنەوەی بەشی فەلسەفە دەربڕی و هیوای خواست بتوانن پێکەوە کاری هاوبەش بکەن لە بواری کەلتوریدا و ئامادەیی دەربڕی کە هاوکاری خوێندکارانی بەشەکە بکات و دەرگای ناوەندەکەی خۆیان بە ڕووی توێژەران و خوێندکاراندا واڵابکات. هەروەها هەردوولا گفتوگۆیانکرد دەربارەی کاری هاوبەش لە ئەنجامدانی توێژینەوە و کۆنفرانسو هەر چالاکییەکی دیکەی کلتوری و زانستی.



وەفدێکی وەزارەتی خوێندنی باڵای عێراق سەردانی کۆلێج دەکات

posted Jul 3, 2022, 1:15 PM by Barham Khalid Ahmed

وەفدێکی وەزارەتی خوێندنی باڵاو توێژینەوەی زانستی عێراق سەردانی کۆلیجی زانستە مرۆڤایەتییەکان دەکەن و لە گەڵ راگرایەتی و ئەنجومەنی کۆلێج تاوتێی هەماهەنگی زانستی و چالاکییە ئەکادیمییەکان دەکە.

ئەمڕۆ یەکشەممە ٣ی٧ی٢٠٢٢ وەفدێکی وەزارەتی خوێندنی باڵای عێراق بە سەرپەرشتی د. قصی حامد خلف و ئەندامێتی هەریەکە لە  سیف فوزی قحطان و هلال محمد حمید و زیاد صالح شحاذە و ابراهیم علی محسن سەردانی کۆلێجی زانستە مرۆڤایەتییەکانیان کردوو لەلایەن د.ابتسام اسماعیل، راگری کۆلێج و ئەندامانی ئەنجومەنی کۆلێج و سەرۆکی بەشە زانستییەکانەوە پێشوازیکردان و لە کۆبونەوەیەکدا باسی ئاڵوگۆڕی زانستی و هەماهەنگیکردن لە چالاکییە ئەکادیمییەکان کرا لە نێوان زانکۆی سلێمانی و کۆلێجی زانستە مرۆڤایەتییەکان لە لایەک و وەزارەتی خوێندنی باڵای عێراق لە لایەکی دیکەوە. 
هەروەها وەفدەکە سەردانی سەرجەم بەشە زانستییەکانی کردوو لە نزیکەوە هەڵسەنگاندن و بەدواداچونیان کرد بۆ پێداویستییەکانی خوێندن و گونجاوی هۆڵەکان و بوونی پێداویستییە سەرەکییەکانی پرۆسەی خوێندن لە بەشەکاندا و بەڵێنی هاوکاریکردنی کۆلێجیاندا.


بۆ پیرۆزبایی دەستبەکاربوونی؛ ئەنجومەنی کۆلێج سەردانی سەرۆکی نوێی زانکۆی سلێمانی دەکەن

posted Jun 23, 2022, 12:21 PM by Barham Khalid Ahmed   [ updated Jun 23, 2022, 12:26 PM ]

ئەندامانی ئەنجومەنی کۆلێجی زانستە مرۆڤایەتییەکان سەردانی سەرۆکایەتی زانکۆی سلێمانی دەکەن بەمەبەستی پیرۆزبایی دەستبەکاربوونی د. کۆسار محەمەد عەلی سەرۆکی نوێی زانکۆی سلێمانی و سەرۆکی نوێی زانکۆ سوپاسی ئەنجومەنی کۆلێج دەکات و بەڵێنی پشتیوانیان پێدەدات.
رۆژی پێنجشەممە ٢٣ی٦ی٢٠٢٢ ئەندامی ئەنجومەنی کۆلێجی زانستە مرۆڤایەتییەکان کە پێکهاتبوون لە د.ئیبتیسام ئیسماعیل، راگری کۆلێج و یاریدەدەری راگر و سەرۆکی بەشە زانستییەکانی کۆلێج سەردانی سەرۆکایەتی زانکۆی سلێمانیان کرد بەمەبەستی پیرۆزبایی بە بۆنەی دەستبەکاربوونی د. کۆسار محەمەد عەلی وەک سەرۆکی نوێی زانکۆی سلێمانی.

سەرۆکی نوێی زانکۆی سلێمانی سوپاسی راگر و ئەندامانی ئەنجومەنی کۆلێجی کرد کە سەرەڕای قەیرانە جۆربەجۆرەکان لە ماوەی ساڵانی رابردوودا توانیویانە سەرکەوتووانە پرۆسەی خوێندن درێژە پێبدەن و نەهێڵن خوێندن لەکاربکەوێت لە کۆلێجی زانستە مرۆڤایەتییەکان  وەک یەکێک لە کۆلێجە گەورەکانی زانکۆی سلێمانی لە رووی ژمارەی بەشەکان و خوێندکارانەوە. 
ئەندامانی ئەنجومەنیش پیرۆزباییان لە سەرۆکی نوێی زانکۆ کرد و بەڵێنیاندا بە هەمان گڕوتینی رابردوو کاربکەن لە پێناو درێژەدان بە کاروانی زانستی و سەرکەوتنی پرۆسەی خوێندن لە کۆلێج و ئەویش لە لای خۆیەوە بەڵێنیدا هەرچی لە توانایدا بێت ئەنجامی بدات لە پشتگیری و هاوکاریکردنیان.



وۆرک شۆپێکی هاوبەش لە نێوان بەشی شوێنەوار و هەردوو زانکۆی ئەسیناو سالۆنیکی یۆنان بەرێوەچوو

posted Jun 23, 2022, 12:05 PM by Barham Khalid Ahmed

لە ژێر ناونیشانی (کوردستان و رۆژئاوا، کارلێک لە نێوان کوردستان و جیهانی یۆنانی پێش مێژووەوە تا سەدەکانی ناوەڕاست) بەشی شوێنەواری زانکۆی سلێمانی بە هاوبەشی هەردوو زانکۆی ئەسینا و سالۆنیکی یۆنان وۆرک شۆپێکی زانستیان ئەنجامدا.

 وۆرک شۆپەکە رۆژی ٢٥ی٥ی ٢٠٢٢ بە سەرپەرشتی و چاودێری سەرۆکایەتی زانکۆی سلێمانی و کونسوڵگەری یۆنان - هەولێر بەڕێوەچوو  کە تێیدا ١٣ توێژینەوەی نوێ پێشکەشکران و گفتوگۆی زانستی ورد دەربارەیان ئەنجامدرا.


دوو مامۆستای کۆلێجمان توێژینەوەیەک لە گۆڤارێکی ئاستبەرزی نێودەوڵەتی بڵاودەکەنەوە

posted May 23, 2022, 12:53 AM by Barham Khalid Ahmed

دوو مامۆستای بەشەکانی مێژوو و کاری کۆمەڵایەتی توێژینەوەیەکی هاوبەش لە گۆڤارێکی ئیمپاکت فاکتەری بەرزی نێودەوڵەتی بڵاودەکەنەوە.
 توێژینەوەکە بە ناونیشانی  Memory and trauma in the Kurdistan genocide (یادەوەری و تراوما لە جینۆسایدی کوردستاندا) بە هاوبەشی لە لایەن مامۆستایان د. ‌هێرش عەبدوڵا مامۆستای بەشی مێژوو  و د.کوردستان عومەر مامۆستای بەشی کاری کۆمەڵایەتی و مامۆستایەکی دیکەوە لە گۆڤاری  (Ethnicities)  کە ئیمپاکت فاکتەری ٢.٥ و لە لایەن Sage Journal بڵاوکراوەتەوە. 



مامۆستایەکی بەشی شوێنەوار بە توێژینەوەیەک بەشداری وۆرکشۆپێکی زانکۆیەکی ئیتاڵی دەکات

posted May 16, 2022, 11:03 AM by Barham Khalid Ahmed

مامۆستایەکی بەشی شوێنەواری کۆلێجی زانستە مرۆڤایەتییەکان بە پێشکەشکردنی توێژینەوەیەک سەبارەت بە ئەرشیفێکی ٧٠ ساڵە دەربارەی شوێنەوارەکانی دەشتی بتوێن بەشداری لە وۆرکشۆپێکی زانکۆی پیزا لە میزۆپۆتامیا کرد کە بە شێوەی ئۆنلاین رێکخرابوو.
لە رۆژی ١٦ی ٥ی ٢٠٢٢ زانکۆی پیزای ئیتاڵی وۆرکشۆپێکی نێودەوڵەتی بە ناونیشانی (Pisa in Mesopotamia) بە شێوەی ئۆنلاین، لە ۆرکشۆپەکەدا هەشت توێژینەوە دەربارەی تازەترین دۆزینەوە شوێنەوارییەکانی کوردستان پێشکەشکرا، (پ.ی.د. دڵشاد عەزیز مارف) مامۆستا لە بەشی شوێنەوار، لە کۆلێجی زانستە مرۆڤایەتییەکانی زانکۆی سلێمانی وەک هاوکار و توێژەرێکی هاوبەشی پرۆژە شوێنەوارییەکانی زانکۆی پیزا لە کوردستان بە توێژینەوەیەک بە ناونیشانی
Dlshad Marf (University of Sulaimani) – The Unpublished Iraqi Archives of the Fieldworks on the Rania Plain: 1957-1961.
بەشداری ۆرکشۆپەکە بوو.
جێی ئاماژەیە لە ۆرکشۆپەکەدا هەشت توێژینەوە پێشکەشکرا کە توێژەران جگە لە زانکۆی سلێمانی، لە زانکۆی پیزای ئیتاڵی و زانکۆی بەرلینی ئازاد لە ئەڵمانیا و زانکۆی دۆرتمۆندی ئەمریکیی و زانکۆی ئەمستردامی هۆڵەندی و بەڕێوەبەرایەتی گشتی شوێنەواری کوردستانەوە بەشداربوون
.
زانیاری دەربارەی وۆرکشۆپەکە لەم لینکەیە:
https://www.cfs.unipi.it/eventi/pisa-in-mesopotamia/ 


بە دروشمی بەرەو راگەیاندێکی بەرپرسی نیشتمانی یادی رۆژنامەگەری کوردی بەڕێوەچوو

posted Apr 24, 2022, 12:46 PM by Barham Khalid Ahmed   [ updated Apr 24, 2022, 12:49 PM ]

بە دروشمی بەرەو راگەیاندنێکی بەرپرسی نیشتیمانی بەشی راگەیاندنی کۆلێجی زانستە مرۆڤایەتییەکان بە هاوکاری بەشی فیلمسازی کۆلێجی هونەر و لقی سلێمانی سەندیکای رۆژنامەنوسان مەراسیمێکی بۆ یادی ١٢٤ ساڵەی دەرچونی یەکەمین رۆژنامەی کوردی رێکخست.

ئەمڕۆ یەکشەممە بەرواری ٢٤ی ٤ی ٢٠٢٢ مەراسیمێک بۆ یادی رۆژی رۆژنامەگەری کوردی بەڕێوەچوو کە تێیدا پێشانگایەکی فۆتۆگرافی و نمایشی چەند کارێکی ڤیدیۆیی و پانێڵێک بەڕێوەچوو. یادەکە لە لایەن بەشی راگەیاندن و بەشی فیلمسازی و سەندیکای رۆژنامەنوسان و بەسەرپەرشتی د.ئیبتیسام ئیسماعیل، راگری کۆلێجی زانستە مرۆڤایەتییەکان لە هۆڵی کۆنفرانسی کۆلێجی کارگێڕی و ئابووری بەرێوەچوو.

سەرەتای یادەکە بە کردنەوەی پێشانگایەکی فۆتۆگرافی کە بەرهەمی خوێندکارانی بەشی راگەیاندن بوون دەستی پێکرد. دواتر د. سەلام نەسرەدین، سەرۆکی بەشی راگەیاندن تیشکی خستەسەر گرنگی یادەکەو ئەنجامدانی ئەو مەراسیمە بۆ بەرزراگرتنی یادی رۆژنامەگەری کوردی و ئاماژەیدا بە گرنگی یادەکە وەک بۆنەیەک بۆ گفتوگۆکردنی دوایین ئاڵنگاری و ئاستەنگەکانی بەردەم کاری رۆژنامەنووسی.
 هەروەها د. ئیبتیسام ئیسماعیل، راگری کۆلێج لە وتەیەکدا باسی لە گرنگی خوێندنی راگەیاندن کرد لە پێناو باشترکردن و بەرەو پرۆفیشناڵکردنی کاری میدیا لە کوردستان و ئاماژەی بۆ ئەوەکرد کە خوێندنی ئەکادیمی راگەیاندن دەتوانێت رۆڵی گرنگی هەبێت لە بەرهەمهێنانی رۆژنامەنوسی بە توانا و بوێر کە بتوانێت خزمەتی کۆمەڵگای کوردی بکات. 

پاشان د. کاوە محەمەد جەمال، یاریدەدەری سەرۆکی زانکۆ بۆ کاروباری کارگێڕی لە وتەیەکدا پیرۆزبایی یادەکەی لە مامۆستایان و خوێندکارانی بەشی راگەیاندن و رۆژنامەنوسان کرد و ئەوەی خستەڕوو کە سەرۆکایەتی زانکۆ هەمیشە پاڵپشتی بەشی راگەیاندن دەکات لە پێناو ئەوەی کاری راگەیاندن لە کۆمەڵگای کوردیدا بە ئاقاری پیشەیی بوون بە بەرپرسیاریدا بڕوات لە پێناو دروستکردنی میدیایەکی نیشتیمانی کە خزمەت بە هەموان بکات  و ببێتە جێگای متمانەی خەڵک.

لە بەشێکی دیکەی مەراسیمەکەدا فیلمێک کە بەرهەمی خوێندکارانی بەشی فیلمسازی کۆلێجی هونەر بوو نمایشکرا کە باسی گرنگی رۆژنامە دەکات لە کۆمەڵگادا و دواتر چەند راپۆرتێکی ڤیدیۆیی خوێندکارانی بەشی راگەیاندن نمایشکران.
لە بەشی کۆتایی چالاکییەکاندا پانێڵی بەرەو راگەیاندنێکی نیشتیمانی بەرپرسیار بەڕێوەچوو کە لەلایەن د. پاڤێ جەمیل، مامۆستای بەشی راگەیاندن بەرێوەبرا و پانێلیستەکان بابەتەکانیان بەم شێوەیە پێشکەشکرد: 
 د. ئیبراهیم سەعید، هۆشیاری تاک لە سەردەمی میدیای نوێدا.
 لوقمان علی حسێن، رەوشی کاری میدیا لە کوردستاندا، لەبەر رۆشنایی ماددەی ١٩ی جاڕی گەردونی مافەکانی مرۆڤ.
 د.زریان حاجی، رۆژی رۆژنامەگەری کورد دیدێکی نوێ.
 م. کامیل عومەر، فەیک نیوز لە سۆشیال میدیای کوردیدا.
 م. هاوڕێ مەحمود، روانینێک بۆ رۆژنامەی کوردستان لە سێ گۆشەی جیاوازەوە. 
دواتر بە پرسیار و سەرنجی ئامادەبوان باسەکان گفتوگۆی زیاتریان دەربارەکراو کۆتایی بە مەراسیمەکە هات.




یادی رۆژنامەگەری کوردیی بەڕێوەدەچێت

posted Apr 21, 2022, 8:29 PM by Barham Khalid Ahmed

لە یادی ١٢٤ ساڵەی دەرچونی یەکەمین رۆژنامەی کوردییدا بەشی راگەیاندن سیمپۆزیۆمێک و چەند چالاکییەک رێکدەخات

خاوەنی وێنەی عومەری خاوەر میوانی بەشی راگەیاندنی زانکۆی سلێمانی بوو

posted Mar 13, 2022, 1:42 PM by Barham Khalid Ahmed   [ updated Mar 13, 2022, 2:04 PM ]

بەشی راگەیاندنی کۆلێجی زانستە مرۆڤایەتییەکان بە هاوکاری لقی سلێمانی سەندیکای رۆژنامەنوسانی کورستان سیمینارێکی بۆ د. ئەحمەد ناتقی، خاوەنی وێنەی (عومەری خاوەر) سیمبۆلی هەڵەبجە رێکخست.


د. ئەحمەد ناتقی بە سەردانێک لە شاری سلێمانییە و ئەمڕۆ یەکشەممە ١٣ی٣ی٢٠٢٢ سەردانی بەشی راگەیاندنی زانکۆی سلێمانی کردوو لە سیمینارێکدا ئەزموونی خۆی وەک رۆژنامەنوسی مەیدانی جەنگ و وێنەگری رۆژنامەوانی بۆ خوێندکاران و مامۆستایان خستەڕوو.


سیمینارەکە بە ئامادەبوونی د،ئیبتیسام ئیسماعیل، راگری کۆلێج و د.ئامانج حەسەن، یاریدەدەری راگر و د. سەلام نەسرەدین سەرۆکی بەشی راگەیاندن و کاروان ئەنوەر، سکرتێری لقی سلێمانی سەندیکای رۆژنامەنوسانی کوردستان و  ژمارەیەکی زۆر لە مامۆستایان و خوێندکاران  بەڕێوەچوو.  


د. ئەحمەد ناتقی لە بابەتەکەیدا بە وردی ئەزمونی خۆی لە کاتی کارەساتی کیمیابارانکردنی هەڵەبجە لە ساڵی ١٩٨٨ بۆ ئامادەبووان خستەڕوو کە چۆن وەک رۆژنامەنوسێک رووماڵی ئەو کارەساتەی کردووە  توانیویەتی کارەساتەکە دۆکیومێنت بکات لە رێگەی وێنەکانیەوە کە دیارترینیان وێنەی بەناوبانگی عومەری خاوەرە کە بوەتە سیمبۆلی کارەساتی هەڵەبجە کە لە ١٦ی٣ی ٢٠٢٢ لە لایەن فڕۆکەکانی عێراقەوە کیمیاباران کراو  زیاتر لە پێنج هەزار هاوڵاتی شەهید بوون.


لە بەشیکی دیکەی سیمینارەکەدا د. ناتقی فیلمێکی بەڵگەنامەیی پێشکەشکی ئامادەبوان کرد سەبارەت بە سەردانکردنەوەی شاری هەڵەبجە لە دوای ٢١ ساڵ کە تێیدا گفتوگۆی لەگەڵ خاوەن شەهید و هەندێک لە رزگاربواننی کارەساتەکەدا ئەنجامداوە و بە یاوەری شایەت حاڵەکان هەندێک لە شوێنی وێنەکانی بەسەرکردووەتەوە. د. ئەحمەد لە سیمینارەکەدا وەڵامی پرسیاری ئامادەبوانی دایەوە سەبارەت بە کارەساتەکە و چۆنیەتی رووماڵی روداوەکانی جەنگ و هەڵبژاردنی کاری رۆژنامەنوسی و هەڵگرتنی پەیامی مرۆڤایەتی لە یەککاتدا بە گرنگ زانی بۆ رۆژنامەنوسان. 


لە کۆتایی سیمینارەکەدا د. ئەحمەد ناتقی لە رێگەی راگری کۆلێجی زانستە مرۆڤایەتییەکانەوە کتێبێکی تایبەتی خۆی سەبارەت بە کارەساتی هەڵەبجە پێشکەش بە زانکۆی سلێمانی کرد  کە تێیدا سەرجەم وێنەکان و زانیاری دەربارەی وێنەکانی کارەساتەکە تێدا خراونەتەڕوو.










ماستەرنامەیەک لەسەر جوگرافیای دانیشتوانی قەزای دەربەندیخان

posted Mar 10, 2022, 1:06 AM by Barham Khalid Ahmed   [ updated Mar 10, 2022, 1:07 AM ]

تاوتوێی ماسته‌رنامه‌ی خوێندکاری خوێندنی باڵا (ئاودێر لوقمان ئەنوەر) له‌ بەشی جوگرافیای كۆلێژی زانسته‌ مرۆڤایه‌تییه‌كان بە ناونیشانی (قەزای دەربەندیخان، لێکۆڵینەوەیەک لە جوگرافیای دانیشتوان) به‌ڕێوه‌چوو. 

رۆژی پێنجشەممە ڕێکەوتی ١٠ی ٣ی ٢٠٢٢ گفتوگۆی ماستەرنامەکە لە هۆڵی بابان بەڕێوەچوو، پاش گفتوگۆیەکی چڕی زانستی و تاوتێکردنی، نامەکە بە کەمێک دەستکارییەوە وەرگیرا. 

ئەندامانی لیژنە لەم بەڕێزانە پێکهاتبوو:
١ـ پرۆفیسۆر د. جمعە علی دای                        زانکۆی گەرمیان              سەرۆک
٢ـ 
پرۆفیسۆری یاریدەدەر د. پێشڕەو صمد تۆفیق     زانکۆی کۆیە                  ئەندام
٣ـ 
مامۆستا  د.سروە جلال حەمە                       زانکۆی سلێمانی               ئەندام
٤ـپرۆفیسۆر د.جەزا تۆفیق طالب                       زانکۆی سلێمانی              ئەندام و سەرپەرشتیار


1-10 of 306