News and events‎ > ‎

بەخستنەڕوی چەند راسپاردەیەک کۆنفرانسی کێشەکانی ئاو کۆتایی بە کارەکانی هێنا

posted Apr 24, 2019, 12:18 PM by Barham Khalid Ahmed
کۆنفرانسی کێشەکانی ئاو لە هەرێمی کوردستان و شێوازەکانی روبەڕوبونەوەی بە خستنەڕوی چەند راسپاردەیەک کۆتایی بە کارەکانی هێنا و داوا لە لایەنە پەیوەندیدارەکان دەکات کار بکەن بۆ دەکردنی یاسای پاراستنی ئاو و گرنگیدانی زیاتر بە سەرچاوەکانی ئاو لە هەرێمی کوردستان.

بە پێشکەشکردنی ٣٢ توێژینەوە لە ناوخۆ و دەرەوەی هەرێمی کوردستان دەربارەی کێشەکانی ئاو لە هەرێم لە رووەکانی سیاسی، ئابوری، سروشتی و مرۆیی، کارەکانی پێنجەمین کۆنفرانسی زانستی نێودەوڵەتی کۆلێژی زانستە مرۆڤایەتییەکان کۆتایی بە کارەکانی هێنا کە ماوەی دوو رۆژ بەردەوام بوو.

رۆژی چوارشەممە ٢٤ی ٤ی ٢٠١٩ لە کۆتا رۆژی کۆنفرانسدا، پرۆفیسۆری یاریدەدەر دکتۆر سۆران حەمە ئەمین، سەرۆکی بەشی جوگرافیا و ئەندامی لیژنەی زانستی کۆنفرانس کۆتایی کۆنفرانسی راگەیاند و چەند راسپاردەیەکی خستەڕوو کە ولە دەرەنجامی دوو رۆژی کۆنفرانس و هەڵهێنجانی توێژینەوەکانەوە وەرگیراون بڕیارە بە نوسراوی رەسمی ئاراستەی لایەنە پەیوەندیدارەکان بکرێت راسپاردەکانیش بریتین لە:-

 یەکەم: هەوڵبدرێت لە رێگەی پەیوەندی دبلۆماسییەوە رێگاچارەی پێویست بدۆزرێتەوە بۆ کێشەی روبارە ئاوزێڵە هاوبەشەکان لەگەڵ تورکیا و ئێران.

دووەم: گرنگیدان بەسەرچاوەکانی ئاو لە هەرێمی کوردستان لە رێگەی پاراستنی لە پیسبوون و رێگرتن لە بەهەدەردانی ئەمەش لە رێگای دانانی یاسای تایبەت بە پاراستنی سەرچاوەکانی ئاو.

سێیەم: دانانی وێستگەی پێوانەکردنی بڕی ئاو بە تایبەت لەسەر رووبارە سنورییەکان بە مەبەستی زانینی بڕی ئەو ئاوەی لەودیو سنورەکانەوە دێنە ناو هەرێمی کوردستان بۆ ئەوەی لە کاتی دانوستان بزانین چەند ئاو لەو سنورانەوە دێنە هەرێمی کوردستان.

چوارەم: گرنگیدان بە توێژینەوەی هایدرۆلۆجی رووبارەکان کە گرنگی تایبەتی هەیە لە بنیاتنانی پرۆژە شارستانییەکان.

پێنجەم: ئەنجامدانی توێژینەوەی پێویست پێش دروستکردنی هەر بەنداوێک بە مەبەستی دیاریکردنی سود و قازانجی ئەو پرۆژەیە بۆ هەرێمی کوردستان لە روی کشتوکاڵ و دابینکردنی ئاو بۆ شارەکان و بوارە جیاوازەکانی دیکە.

شەشەم: گرنگیدان بە لێکۆڵینەوە ئاووهەواییەکانی بۆ دیاریکردنی بڕی بارانی ساڵان کە سەرچاوەی سەرەکی دابینکردنی سەرچاوەکانی ئاوە لە هەرێمی کوردستان بە تایبەتی لە روی بڕی بارانی ساڵانە پێش دروستکردنی هەر بەنداوێک کە رۆڵی گرنگی هەیە لە شکستنەهێنانی هەر بەنداوێک و پرۆژەکانی تریش.

هەشتەم: پەیڕەوکردنی سیاسەتێکی ئاوی دیار و روون بۆ ئیدارەدانی ئاو لە هەرێمی کوردستان. 

لە کۆتایی کۆنفرانسدا بڕوانامەی رێزلێنان بەخشرایە توێژەرە بەشدارەکان و ئەندامانی لیژنەکانی کۆنفرانس و کۆتایی بە کۆنفراس هات.






Comments