News and events‎ > ‎

بەشداریكردنی بەشی شوێنەوار لە كۆنفرانسی نێودەوڵەتی مۆزەخانەی كەفیل لە شاری كەربەلا

posted Jan 17, 2018, 10:52 AM by Barham Khalid Ahmed
شاندێکی بەشی شوێنەواری زانکۆی سلێمانی سەردانی شاری کەربەلا دەکات بە مەبەستی بەشداریکردن لە کۆنفرانسی نێودەوڵەتی مۆزەخانەی کەفیل.
شاندەکە پێکهاتبوو لە ( د.زریان سالار حاجی و م.جزا شۆڕش حمە شریف) نوێنەرانی زانكۆی سلێمانی ، بەڕێز هاشم حمە عبدوڵا بەڕێوەبەری مۆزەخانەی سلێمانی و بەڕێز ڕەفیق صابر سەرۆكی بنكەی ژین لە بەغداد لە ڕێگەی نوێنەرانی عەتەبەی عەباسی پیرۆزەوە پێشوازیان لێکرا.

دوای گەیشتنیان بە شاری كەربەلای پیرۆز وەفدەکە سەردانی هەریەكە لە مەزارگەكانی ئیمام عەباس و ئیمام حسین یان كرد ، پاشان سەردانی شاری حلەیان كرد لەوی لە لایەن بەرێز ( د.عبد الرضا عوض الاسدی  ) بەرپرسی كتێبخانەی فوراتەوە پێشوازیان لێكرا ، دواتر سەردانی (متحف حلە المعاصر) مۆزەخانەی حلەی هاوچەرخ   یان كرد لەوێ لە لایەن بەڕێز علی عبدالجلیل بەڕێوەبەری مۆزەخانەكە پێشوازیان لێكراو ئاشناکران.

پاشان سەردانی (مركز تراث الحلە) یان كرد لەوێ لە لایەن بەڕێز شێخ صادق الخویلدی) پێشوازیان لێكرا و باسی كارو چالاكیەكانی مەركەزەكەی بۆ كردن كە بریتی بوو لە كۆكردنەوەی زانیاری و هەموو ئەو دەستنوسانەی كە پەیوەندی بە شارەكەوە هەیە هەروەها گرنگی دان بە كەلەپور و بیناسازی شارەكە لەم شارە گەڕەكێك هەیە بە ناوی حی الكراد كە لە ڕاستیدا ئەم ناوە لە ناوی حی اڵاكراد هاتووە چونكە لەم گەڕەكەدا كوردەكان نیشتەجی بوون چەندین بیناو باڵەخانەی كەلەپوری لە گەڕەكەدا هەیە كە تا ڕادەیەكی زۆر  هاوشێوەی بینا و باڵەخانە كەلەپوریەكانی شاری سلێمانین.

لە ئیوارەی هەمان رۆژ سەردانی شوێنەواری شاری بابلیان كرد هەریەك لە دەرگا و شورای شاری بابل شەقامی ئاهەنگەكەكان (شارع موكب)  و پەرستگای ننماخ و شێری بابل و پاشماوەی كۆشكەكەی نەبوخز نصر (604-562) پ.ز مان بینی زۆربەی ئەو شوێنەوارانەی كە لە ئیستادا ماون دەگەڕێنەوە بۆ سەردەمی بابلی نوێ (626-539)پ.ز .

 پاشان لە ڕۆژی  ٢٠١٧/٩/٧ لە شاری كەربەلای پیرۆز وەفدەکە بەشدارییان كرد كۆنفرانسی دووەمی (متحف الكفیل) كە بۆ ماوەی دوو ڕۆژ بەردەوام بوو ،  كۆنفرانسەكە تایبەت بوو بە چۆنیەتی هەڵگرتن و پاراستنی كەرەستە شوێنەواریەكان لە مۆزەخانەكە لە هەمان ڕۆژ سەردانی مۆزەخانەی الكفیل و گەنجینە و تاقیگەی تایبەت بە چاركردنەوەی شوێنەوارەكانیان كرد، لە پەراوێزی كۆنفرانسەكە لە شەوی  7/9/ 2017  بەشداربوون لە كۆڕێك كە بۆ بەڕێز دكتور عامر جمیلی سازكرابوو دەربارەی ئەو زیانانەی كە بەر شوێنەوارەكانی شاری موصل كەوتوون لە ئەنجامی هیرشی تیرۆرستانی داعش ، دواتر سەردانی زانكۆی كوفە یان كرد لەوی چاویان كەوت بە بەریز د.نصیر كعبی شارەزا لە میژووی سەردەمی ساسانیەكان وە لە هەمان ڕوژ كۆتاییان بە گەشتەكەیان هینا.


Comments