News and events‎ > ‎

هەماهەنگی زانکۆو فەرمانگە حکومیەکان

posted Jan 18, 2016, 12:28 PM by Barham Khalid Ahmed   [ updated Jan 18, 2016, 12:31 PM ]

سەرۆکی بەشی کاری کۆمەڵایەتی زانکۆی سلێمانی و بەڕێوەبەری چاودێری و گەشەپێدانی کۆمەڵایەتی سلێمانی کۆبونەوەو جەخت لە هەماهەنگی نێوان زانکۆو فەرمانگە حکومیە پەیوەندیدارەکان و پەرەپێدانی کرایەوە.

رۆژی پێنجشەممە ٢٠١٦/١/١٤ عومەر گوڵپی، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی پێشوازی لە د.لوقمان سالح، سەرۆکی بەشی کاری کۆمەڵایەتی لە کۆلێجی زانستە مرۆڤایەتییەکان کردو لە کۆبونەوەکەدا باسی چۆنێتی هاوکاری نێوان زانکۆو بەشە پەیوەندیدارەکان کرا و جەخت لە پەرەپێدانی ئەو هەماهەنگیانە کرایەوە.
هەر لە کۆبونەوەکەدا هەریەک لە سۆران حەمەسەعید لێپرسراوی بەشی پلان و هەماهەنگی و ئارەزوو غەفور، لێپرسراوی بەشی چاودێری خێزان و ئاراس ناسر لێپرسراوی هۆبەی توێژینەوەی بەڕێوەبەرایەتیەکە و هەروەها فەرەیدون عارف مامۆستا لە بەشی کاری کۆمەڵایەتی و وتەبێژی زانکۆی سلێمانی ئامادەبون.


Comments