News and events‎ > ‎

هەڵسەنگاندنی توێژینەوە پێشکەشکراوەکانی کۆنفرانسی مێدیای نوێ و بەها کۆمەڵایەتیەکان

posted Sep 6, 2017, 1:51 PM by Barham Khalid Ahmed
رۆژی چوارشەممە ٢٠١٧/٩/٦ لیژنەی زانستی کۆنفرانسی مێدیای نوێ و بەها کۆمەڵایەتیەکان کۆبونەوەی خۆی ئەنجامدا بە مەبەستی هەڵسەنگاندنی توێژینەوە پێشکەشکراوەکان بە کۆنفرانسەکە کە بڕیارە لە ٢٦ و ٢٧ مانگی ١١ لە کۆلێژی زانستە مرۆڤایەتیەکانی زانکۆی سلێمانی بەڕێوەبچێت.
لە کۆبونەوەکەدا کە لە ریگەی ڤیدیۆ کۆنفرانسەوە لە نێوان ئەندامانی لیژنەی زانستی کۆنفرانس لە هەردوو شاری بەغدا و سلێمانی بەڕێوەچوو هەلسەنگاندن بۆ ٦٢ توێژینەوەی زانستی کرا لە ناوخۆ و دەرەوەی عێراقەوە پێشکەشی کۆنفرانس کرابوون.
کۆنفرانسی مێدیای نوێ و بەها کۆمەڵایەتیەکان لە نێوان هەردوو زانکۆی سلێمانی و سەنتەری بەسیرە لە کۆلێژی زانستە مرۆڤایەتیەکانی زانکۆی سلێمانی بەڕێوە دەچێت و تێیدا لە چەند تەوەرێکدا هەردوو بواری مێدیای نوێ و بەها کۆمەڵایەتیەکان لە چەند پانێلێکدا تاوتوێ دەکرێن.



Comments