News and events‎ > ‎

ماراسۆنێک بۆ خوێندکارانی بەشە ناوخۆییەکان بەڕێوەچوو

posted Mar 1, 2019, 11:57 AM by Barham Khalid Ahmed   [ updated Mar 1, 2019, 12:01 PM ]
بەشی راگەیاندنی کۆلێژی زانستە مرۆڤایەتییەکان بەهاوکاری کۆلیژی پەروەردەی وەرزشی زانکۆی سلێمانی بەهاوکاری کەناڵی کوردسات و بەڕیوەبەرایەتی هاتوچۆ و کارگەی ئاوی لایف ماراسۆنیكیان بۆ خوێندکارانی بەشە ناوخۆییەکان رێکخست.

ماراسۆنەکە رۆژی چوارشەممە بە ناونیشانی وەرزش هێزی ژیانە لە ناو کەمپی نوێی زانکۆی سلێمانی بەڕێوەچوو کە لە لایەن خوێندکارانی قۆناغی سێیەمی ئێوارانی لقی پەیوەندییە گشتییەکانی بەشی راگەیاندن  بۆ خوێندکارانی سەرجەم بەشە ناوخۆییەکانی کچان و کوڕانی زانکۆی سلێمانی رێکخرابوو وەک بەشێک لە وانەی هەڵمەتی پەیوەندی گشتی. 

ژمارەیەکی بەرچاو لە خوێندکاران لە هەردوو رەگەز بەشداری چالاکییەکە بوون کە تێیدا کوڕان ماوەی ٥ کیلۆمەتر و کچانیش ٤ کیلۆمەتریان بڕی و لە کۆتاییدا جام و مەدالیا بەسەر سەرکەوتواندا دابەشکرا. 




Comments