رۆژی یەکشەممە ٢٧-٣-٢٠١٦ سیمۆن موهل زانای شوێنەوارناسی ئەڵمانی و سەرۆکی رێکخراوای (RASHID)  research assessment and safeguarding of heritage in Iraq in danger سەردانی هەردو بەشی راگەیاندن و شوێنەواری کۆلێژی زانستە مرۆڤایەتیەکان کرد و باسی هەماهەنگی لە نێوان رێکخراوە ئەڵمانیەکەو زانکۆ کرا لە پێناو گرنگی پاراستنی شوێنەوارە دێرینەکان و ڕۆڵی مێدیا و رۆژنامەنوسان لە بڵاوکردنەوەی هۆشیاری لای هاوڵاتیان.  لە هەردو کۆبونەوەکەدا لەگەڵ هەریەک لە سەرۆکی بەشی راگەیاندن و شوێنەوار و سەرۆکی رێکخراوەکە لەسەر ئەو رێککەوتن کە لە ساڵی ئایندە رێکخراوەکە لە رێگەی کۆرسی راهێنانەوە هاوکاری بەشی راگەیاندن و شوێنەوار بکات لەو بوارەدا.