News and events‎ > ‎

رێزلێنان لە راگری پێشوی زانستە مرۆڤایەتییەکان

posted Feb 6, 2017, 11:50 PM by Barham Khalid Ahmed

رۆژی دوشەممە ٦-٢-٢٠١٧ لە کۆبونەوەی ئەنجومەنی کۆلێژی زانستە مرۆڤایەتییەکاندا بە ئامادەبونی راگر و یاریدەدەری راگر و سەرۆکی بەشە زانستیەکانی کۆلیژ خەڵاتی رێزلێنان بەخشرایە د.جەزا تۆفیق تاڵب لە بەرامبەر ئەرک و خزمەتی وەک راگری سکوڵی زانستە مرۆڤایەتییەکان لە رابردوودا.

لە سەرەتای کۆبونەوەکەدا د.ئیبتیسام ئیسماعیل، راگری کۆلێژی زانستە مرۆڤایەتییەکان لە وتەیەکی کورتدا بە ناوی راگرایەتی و مامۆستا و فەرمانبەران و خوێندکارانەوە سوپاسی د.جەزا تۆفیق ی کرد لە بەرامبەر ئەرک و ماندوبونی لە ماوەی رابردودا کە وەک راگری سکوڵ خزمەتی کۆلێژەکەی کردووە و پاشان خەڵاتی رێزلێنان بەخشرایە راگری پێشوو.
لە بەرامبەردا د. جەزا تۆفیق تاڵب سوپاسی راگری نوێ و سەرۆک بەشەکان و مامۆستایانی کرد کە لە ماوەی دەست بەکاربونیدا هاوکاری بوون  هیوای سەرکەوتن و بەڵێنی هاوکاری بە راگری نوێدا لە راپەڕاندنی ئەرکەکانیدا.


Comments