News and events‎ > ‎

یەکەمین فێستیڤاڵی خوێندکارانی کۆلێژی زانستە مرۆڤایەتییەکان بەڕێوەچوو

posted Feb 22, 2018, 5:36 AM by Barham Khalid Ahmed
خوێندکارانی کۆلێژی زانستە مرۆڤایەتییەکان یەکەمین فێستیڤاڵی خوێندکارانیان ئەنجامدا و تێیدا چەندین چالاکی جۆراوجۆر پێشکەشکرا.

رۆژی سێشەممە ٢٠-٢-٢٠١٨ یەکەمین فێستیڤاڵی خوێندکاران لە هۆڵی کۆماری کوردستانی کۆلێژی زانستە مرۆڤایەتییەکانی زانکۆی سلێمانی بەڕێوەچوو کە بە هاوبەشی لە لایەن نوێنەرایەتی گشتی خوێندکارانی کۆلێژ و گروپی نما وە سازکرابوو.

فێستیڤاڵەکە بە ئامادەبوونی ژمارەیەکی زۆر لە خوێندکاران و مامۆستایان و د. ئاراس فەریق زەینەڵ یاریدەدەری سەرۆکی زانکۆ بۆ کاروباری خۆێندکاران و د. ئیبتیسام ئیسماعیل راگری کۆلێژی زانستە مرۆڤایەتیەکان بەڕێوە چوو کە لە وتەیەکدا دەستخۆشی لە رێکخەرانی فێستیڤاڵەکە کردو بە گرنگیزانی خوێندکاران لە پاڵ خوێندنی ئەکادیمی و بواری پسپۆڕی خۆیدا پەرە بە بەهرە جیاوازەکانی خۆی بدات  هەتا بتوانێت لە رێگەیەوە خزمەت بە كۆمەڵگا و وڵاتەکەی بکات داواشی کرد لەم جۆرە چالاکیانە بەردەوامبن.

سەرەتای فێستیڤاڵەکە بە سرودێک لە لایەن یەکێک لە خوێندکارە بەهرەمەندەکانەوە دەستیپێکرد و پاشان فیچەرێک لەسەر کۆلێژی زانستە مرۆڤایەتیەکان نمایشکرا و دواتر چەند پارچە شیعرێک لەلایەن خوێندکارێکی دیکەوە  پێشکەشەی ئامادەبوان کرا. هەر لە درێژەی چالاکیەکاندا شانۆگەرییەک لەلایەن گروپی نماوە نمایشکراو خەڵاتی براوەکانی بواری فۆتۆ و شیعر دابەشکرا و هەر لە لایەن رێکخەرانی فێستیڤاڵەکەوە خەڵاتی رێزلێنان بەخشرایە چەند مامۆستا و خوێندکارێک.



Comments