News and events‎ > ‎

زانکۆی سلێمانی کۆنفرانسی پرسی کورد و رێکەوتننامەی سایکس پیکۆ رێکدەخات

posted May 1, 2016, 1:35 PM by Barham Khalid Ahmed   [ updated May 1, 2016, 1:49 PM ]

کۆلێژی زانستە مرۆڤایەتیەکانی زانکۆی سلێمانی دووەمین کۆنفرانسی زانستی نێودەوڵەتی بە ناونیشانی پرسی کورد و رێکەوتننامەی سایکس پیکۆ لە رۆژانی ٣ و ٤ ی ئایار سازدەکات.


کۆنفرانسەکە لە یادی ١٠٠ ساڵەی ئیمزاکردنی رێکەوتتنامەی سایکس پیکۆ لەسەر ئەرکی بنەماڵەی شەهید عەلی بەگ سازدەدرێت.


بەپێی بەرنامەی کاری کۆنفرانس کە کاتژمێر ٩:٣٠ ی بەیانی رۆژی سێشەممە ٢٠١٦/٥/٣ بە مەراسیمێک دەست بەکارەکانی دەکات و ماوەی دوو رۆژ بەردەوام دەبێت کە تێیدا زیاتر لە ٣٠ توێژینەوە کە پێشتر لەلایەن لیژنەی زانستی کۆنفرانسەوە پەسەند کراون دەخرێنە ڕوو کە لە ناوخۆی کوردستان و وڵاتانی عێراق و ئێران و تورکیا و وڵاتانی دیکەی عەرەبی و ئەوروپیەوە بۆ کۆنفراس نێردراون.


گفتوگۆکانی توێژینەوەکانی کۆنفرانسەکە لە رەهەندە جیاوازەکانی سیاسی و یاسایی و مێژویی و جوگرافی و جیۆپۆلەتیکیەوە خوێندنەوەیەکی زانستی نوێ بۆ رێکەوتننامەکەو ئایندەی پرسی کورد پاش ١٠٠ ساڵ لەوە رێکەوتننامەیە دەکات.


Comments