پانێڵی “تاوانی ئەنفال و جینۆسایدی گەلی کورد لە بایەخپێدانی ناوەندە ئەکادیمییەکاندا” بەڕێوەچوو

444236021 771297858458584 7935789027988579648 N (1)
27-May-2024
News

پانێڵی “تاوانی ئەنفال و جینۆسایدی گەلی کورد لە بایەخپێدانی ناوەندە ئەکادیمییەکاندا” بەڕێوەچوو

بەمەبەستی تاوتوێكردنی پرسی ئه‌نفال و جینۆسایدی گه‌لی كورد و بایه‌خپێدانی لە ناوه‌نده‌ ئه‌كادیمییه‌كان، بەشی کۆمەڵناسی لە كۆلێجی زانستە مرۆڤایەتییەكانی زانكۆی سلێمانی پانێڵێکی بۆ ئەو پرسە گرنگ و نەتەوایی و هەستیارە ڕێکخست.
سەرلەبەیانی ڕۆژی دووشەممە ڕێکەوتی ٢٧ی٥ی٢٠٢٤، بە چاودێری بەڕێز پ.ی.د.پاڤێ جەمیل ئە‌حمەد ڕاگری کۆلێجی زانستە مرۆڤایەتییەکان و بە ئامادەبوونی پ.د.کۆسار محەمەد سەرۆکی زانکۆی سلێمانی و بەسەرپەرشتی د.سەنگەر حەسام عبداللە سەرپەرشتیاری بەشی کۆمەڵناسی و ژمارەیەكی بەرچاو لە مامۆستایان‌ و خوێندكاران‌ و کەسوکاری ئەنفالکراوان، پانێڵێك بە ناونیشانی “تاوانی ئه‌نفال و جینۆسایدی گه‌لی كورد له‌ بایه‌خپێدانی ناوه‌نده‌ ئه‌كادیمییه‌كاندا” لە هۆڵی كۆماری كۆلێجی زانستە مرۆڤایەتییەكان بەڕێوەچوو.
شایەنی باسە لە پانێڵەکەدا چەندین بابەت و توێژینەوەی گرنگ لەلایەن پانێڵستەکان گەنگەشەی لەبارەوەکرا لەوانە:-
١- “یاده‌وه‌ریی وێنه‌یی و دیدی ئه‌وی تر” ناونیشانی بابه‌تێک بوو کەلەلایەن پ.ی.د.دڵشاد مسته‌فا،وە پێشکەشکرا.
٢-د.عه‌داله‌ت عه‌بدوڵڵا، بابه‌تێکی به‌ ناونیشانی “جینۆساید له‌ ناوه‌ندی ئه‌كادیمی و میدیادا” پێشكه‌ش بە ئامادەبووان کرد.
٣- “نووسین و توێژینه‌وه‌ زانستییه‌كان سه‌باره‌ت به‌ جینۆسایدی ئه‌نفال” ناونیشانی بابەتێکی دیکە بوو کەلە لایەن د.فاتیح محه‌مه‌د سه‌نگاوی، لە پانێڵەکەدا پێشکەش بە ئامادەبووان کرا.
٤-کۆتا بابەت تایبەت بوو بە “رێوشوێنه‌كانی جوڵاندنی كه‌یسی تاوانی جینۆساید له‌ دادگای جینائی نێوده‌وڵه‌تی دا ” لەلایەن د.دڵپاك تاهیر، تیشکی خرایەسەر.

شایەنی باسە پانێڵی “تاوانی ئه‌نفال و جینۆسایدی گه‌لی كورد له‌ بایه‌خپێدانی ناوه‌نده‌ ئه‌كادیمییه‌كاندا” لەلایەن د.عومه‌ر عه‌لی مامۆستا له‌ به‌شی كۆمه‌ڵناسی بەڕێوەبرا. و لە کۆتادا خەڵاتی ڕێزلێنان پێشکەش بە پانێڵستە بەڕێزەکان کرا.

Share It on

Related News 

447693275 775811868007183 6655463964124277286 N
25
Oct

بەڕێوەچوونی تاقیکردنەوەکانی کۆتایی قۆناغی بەکالۆریۆس

بە چاودێری ڕاگری کۆلێجی زانستە مرۆڤایەتییەکان و بە سەرپەرشتی لیژنەی باڵای تاقیکردنەوەکان، سەرلەبەیانی ڕۆژی یەکشەممە ڕێکەوتی ٢ی٦ی٢٠٢٤ تاقیکردنەوەکانی کۆتایی وەرزی دووەم لە سەرجەم بەشەکانی کۆلێجی زانستە مرۆڤایەتییەکان دەستیپێکرد.
سەرلەبەیانی ئەمڕۆ بۆ لە نزیکەوە ئاگاداربوون لە پڕۆسەی تاقیکردنەوەکان پ.د.کۆسار محەمەد عەلی، سەرۆکی زانکۆی سلێمانی و هەریەک لە یاریدەدەرانی سەرۆکی زانکۆ بۆ کاروباری زانستی و خوێندنی باڵا و خوێندکاران و کارگێڕی، بە یاوەری پ.ی.د.پاڤێ جەمیل ئەحمەد، راگری کۆلێجی زانستە مرۆڤایەتییەکان و پ.ی.د.خەلیل کەریم محەمەد یاریدەدەری راگر و سەرجەم ئەندامانی ئەنجومەنی کۆلێج هۆڵەکانی تاقیکردنەوەکانیان بەسەرکردەوە، هاوکات سوپاسی مامۆستایان و سەرپەرشتیاران و چاودێرانی هۆڵەکانیان کرد کە سەرەڕای قەیرانی دارایی و دواکەوتنی شایستەکانیان لەخۆبوردوانە پڕۆسەی خوێندن و تاقیکردنەوەکانیان بە ئەنجام گەیاندووە.
د.سایە سەلام، لێپرسراوی یەکەی تۆمار بەسایتی کۆلێجی زانستە مرۆڤایەتییەکانی ڕاگەیاند؛ بەپێی ئەو خشتەیەی کە دانراوە ڕۆژی یەکشەممە ڕێکەوتی ٢ی٦ی٢٠٢٤ بە بەشداری زیاتر لە ١٥٠٠خويندکار دەستکراوە بە ئەنجامدانی تاقیکردنەوەکان بۆ ئاستی بەکالۆریۆس لەسەرجەم بەشەکانی کۆلێجمان بە خوێندنی بەیانیان و ئێواران، هەروەها دەست خۆشی لە ڕاگرایەتی و لیژنەی تاقیکردنەوەکان کرد لەسەر ئاستی باڵا و بەشەکان، لە کۆتایشدا لێپرسراوی یەکەی تۆمار هیوای سەرکەتنی بۆ خوێندکاران خواست.
Read More
Copyright © 2024 University of Sulaimani  – All Rights Reserved
chevron-downchevron-right-circle linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram