بەڕێوەچوونی تاقیکردنەوەکانی کۆتایی قۆناغی بەکالۆریۆس

447693275 775811868007183 6655463964124277286 N
11-June-2024
News

بەڕێوەچوونی تاقیکردنەوەکانی کۆتایی قۆناغی بەکالۆریۆس

بە چاودێری ڕاگری کۆلێجی زانستە مرۆڤایەتییەکان و بە سەرپەرشتی لیژنەی باڵای تاقیکردنەوەکان، سەرلەبەیانی ڕۆژی یەکشەممە ڕێکەوتی ٢ی٦ی٢٠٢٤ تاقیکردنەوەکانی کۆتایی وەرزی دووەم لە سەرجەم بەشەکانی کۆلێجی زانستە مرۆڤایەتییەکان دەستیپێکرد.
سەرلەبەیانی ئەمڕۆ بۆ لە نزیکەوە ئاگاداربوون لە پڕۆسەی تاقیکردنەوەکان پ.د.کۆسار محەمەد عەلی، سەرۆکی زانکۆی سلێمانی و هەریەک لە یاریدەدەرانی سەرۆکی زانکۆ بۆ کاروباری زانستی و خوێندنی باڵا و خوێندکاران و کارگێڕی، بە یاوەری پ.ی.د.پاڤێ جەمیل ئەحمەد، راگری کۆلێجی زانستە مرۆڤایەتییەکان و پ.ی.د.خەلیل کەریم محەمەد یاریدەدەری راگر و سەرجەم ئەندامانی ئەنجومەنی کۆلێج هۆڵەکانی تاقیکردنەوەکانیان بەسەرکردەوە، هاوکات سوپاسی مامۆستایان و سەرپەرشتیاران و چاودێرانی هۆڵەکانیان کرد کە سەرەڕای قەیرانی دارایی و دواکەوتنی شایستەکانیان لەخۆبوردوانە پڕۆسەی خوێندن و تاقیکردنەوەکانیان بە ئەنجام گەیاندووە.
د.سایە سەلام، لێپرسراوی یەکەی تۆمار بەسایتی کۆلێجی زانستە مرۆڤایەتییەکانی ڕاگەیاند؛ بەپێی ئەو خشتەیەی کە دانراوە ڕۆژی یەکشەممە ڕێکەوتی ٢ی٦ی٢٠٢٤ بە بەشداری زیاتر لە ١٥٠٠خويندکار دەستکراوە بە ئەنجامدانی تاقیکردنەوەکان بۆ ئاستی بەکالۆریۆس لەسەرجەم بەشەکانی کۆلێجمان بە خوێندنی بەیانیان و ئێواران، هەروەها دەست خۆشی لە ڕاگرایەتی و لیژنەی تاقیکردنەوەکان کرد لەسەر ئاستی باڵا و بەشەکان، لە کۆتایشدا لێپرسراوی یەکەی تۆمار هیوای سەرکەتنی بۆ خوێندکاران خواست.

Share It on

Related News 

02765a5e 6cc4 41f0 B608 Bf56bf80351c Scaled
25
Oct

لە زانكۆی سلێمانی كۆنفڕانسی نێودەوڵەتیی هەورامانناسی بەڕێوەدەچێت

ڕۆژی پێنج شەممە ۱۱ی تەمموزی ۲۰۲٤، پرۆفیسۆر دكتۆر كۆسار محەمەد عەلی سەرۆكی زانكۆی سلێمانی پێشوازیکرد لە وەفدێکی زانکۆی کوردستان لە پارێزگای سنەی کۆماری ئیسلامی ئێران.

لەمیانی دیدارەکەدا کە د. پاڤێ جەمیل، راگری کۆلێجی زانستە مرۆڤایەتییەکان ئامادەی بوو، پلان و هەوڵ و هەنگاوەکانی بەستنی دووەمین كۆنفڕانسی نێودەوڵەتی هەورامانناسی تاوتوێکرا، وەک هەوڵێک بۆ گرنگیدان بە كەلتوور و فەرهەنگ و مێژووی دەوڵەمەندی هەورامان لەسەر ئاستی کوردستان.

لەوبارەیەوە، سەرۆکی زانکۆی سلێمانی ئاماژەی بە گرنگی بەستنی ئەو کۆنفڕانسە کرد وەک یەکێک لە قۆناغەکانی هەوڵەکان بۆ بەستنی پەیوەندی ئەکادیمی و ئاڵوگۆڕی زانیاری لەنێوان هەردوو زانکۆدا، بە ئامانجی خزمەتکردن بە بابەتە نەتەوایەتی و نیشتمانییەکان و هاوکات سود وەرگرتن لە ئەزمون و ڕۆشنفکری هەورامییەکان.

زانكۆی سلێمانی و زانكۆی كوردستان/ سنە، لە چوارچێوەی هەوڵە زانستییە هاوبەشەكانیاندا كۆنفڕانسەكەیان بۆ ناساندنی هەورامان لە بوارە زانستی و كەلتووری و كۆمەڵایەتی و سروشت و ژینگە و هونەرییە جیاوازەكاندا ڕێکدەخەن و بڕیارە چەندین توێژینەوە لەو بوارانەدا پێشكەش بکرێت.

شایەنی باسە  ساڵی پار یەکەمین کۆنفرانسی زانستی نێودەوڵەتی هەورامان ناسی لە زانکۆی کوردستانی سنە لە ئێران بەڕێوە چوو کە پ.ی.د.پاڤێ جمیل احمد وەک نوێنەری سەرۆکی زانکۆی سلێمانی و ڕاگری کۆلێجی زانستە مرۆڤایەتیەکان و توێژەر کە بە توێژینەوەش بەشداربووە هەروەها کۆمەڵێک لە مامۆستایانی کۆلێجی زانستە مرۆڤایەتییەکان بە ٧ توێژینەوە بەشداری کۆنفرانسەکە بوون، رۆژانی ٣ و ٤ ی ئایاری ٢٠٢٣ کۆنفرانسی زانستی نێودەوڵەتی هەورامان بە بەشداری زانکۆی سلێمانی و زانکۆی هەڵەبجە
لە زانکۆی کوردستان لە سنە بەڕێوەچوو.

زانکۆی کوردستانی سنە لە چوارچێوەی هەوڵە زانستییەکانیدا کۆنفرانسێکی زانستیان بۆ ناساندنی هەورامان لەبوارە زانستیە جیاوازەکاندا رێکخست. لەماوەی دوو ڕۆژی کۆنفرانسدا ٢٥ پانێڵ بە پێشکەشکردنی ٩٠ توێژینەوە بەڕێوەچو، سەرۆکی زانکۆی سلێمانی لە وتەکەیدا وێڕای دەستخۆشی لە ئەنجامدانی کۆنفرانسێکی لەوشێوەیە کە لەلایەن زانکۆی کوردستان بەبەشداری زانکۆی سلێمانی و چەند زانکۆیەکی تر بەڕێوەچوو بوو ، بە گرنگی زانی کە ئەم جۆرە چالاکییە زانستیانە بەردەوامبن، وەک زانکۆی سلێمانی ئامادەیی تەواوی دەربڕی بۆ پێشوازی کردن لە میوانداری دوەمین کۆنفڕانسی زانستی نێو دەوڵەتی هەورامان لە شاری سلێمانی و لە زانکۆی سلێمانی زانکۆی دایک.

لە پەراوێزی کۆنفرانسەکەدا پ.ی.د. پاڤێ جمیل نوێنەری سەرۆکی زانکۆی سلێمانی و ڕاگری کۆلێجی زانستە مرۆڤایەتیەکان بەیاوەری مامۆستایانی کۆلێج لەگەڵ سەرۆکی زانکۆی کوردستان کۆبویەوەو لەبارەی بەهێزکردنی پەیوەندیەکانی نێوان هەردوو زانکۆ گفتوگۆیان کردو ، پێشنیازی سەرۆکی زانکۆی سلێمانیان گەیاندە زانکۆی کوردستان بۆ بانگهێشتکردنی دوەمین کۆنفرانسی زانستی نێودەوڵەتی هەورامان بۆ زانکۆی سلێمانی. لە لایەن زانکۆی کوردستانە بەخۆشحاڵیەوە پێشنیارەکە وەرگیراو دەستخۆشی لە دەسپێشخەری سەرۆکی زانکۆی سلێمانی کرا. لە ئێستادا تیمێکی زانکۆی کوردستان لە سنە بۆ ئەو مەبەستە گەیشتوونەتە زانکۆی سلێمانی و لە گەڵ کۆلێجی زانستە مرۆڤایەتیەکان لە هەوڵی ڕێکخستنی (دووەمین کۆنفرانسی زانستی نێودەوڵەتی هەورامان ناسی) دەدەن کە پێکهاتوون لە بەڕێزان:
د. علی اکبر مظفری جیگری سه رۆکی زانکۆی کوردستان لە سنە له بواری تویژینه وه و لایەنی زانستی د. حسین دانشمهر بەرپرسی تویژینه وه ی زانکۆی کوردستان د. حبیب سلیمانی سه رۆکی پەیوه ندیه نێو ده وڵه تیه کانی زانکوی کوردستان

Read More
Whatsapp Image 2024 07 09 At 23.03.57 (3)
25
Oct

کۆلێجی زانستە مرۆڤایەتییەکان کۆنفرانسێکی زانستی بۆ خاوەن پێداویستییە تایبەتەکان ئەنجام دەدات

بەسەرپەرشتی پ.ی.د.پاڤێ جەمیل ئە‌‌حمەد، ڕاگری کۆلێجی زانستە مرۆڤایەتییەکان بە هاوبەشی ڕێکخراوی کەمئەندامانی هەڵەبجە لە ڕۆژی جیهانی کەسانی خاوەن پێداویستی تایبەت کۆنفڕانسێکی زانستی لە زانکۆی سلێمانی ڕێکدەخرێت.

لەو كۆنفڕانسەدا كە وابڕیارە لە مانگی (کانونی یەکەم)ی ئەمساڵ بەڕێوەبچێت، سەرلەبەیانی ڕۆژی (سێ شەممە) ڕێکەوتی (٩ی٧ی٢٠٢٤) لە کۆبوونەوەیەکدا بە بەشداری پ.ی.د.پاڤێ جەمیل ئە‌‌حمەد، ڕاگری کۆلێجی زانستە مرۆڤایەتییەکان و بە ئامادەبوونی یاریدەدەری ڕاگر و ئەندامانی ئەنجومەن و مامۆستا مەریوان وەهبی لێپرسراوی ڕێکخراوی کەمئەندامانی هەڵەبجە لە هۆڵی کۆبوونەوەکانی کۆلێج، تیشک خرایەسەر شێواز و چۆنێتی خۆ ئامادەکردن لەڕووی کردەیی و لۆجیکی بە ئامانج و بە مەبەستی بەستنی کۆنفڕانسێکی زانستی تایبەت بە  خاوەن پێداویستی تایبەت.

لەو کۆبوونەوەیەدا ڕاگری کۆلێجی زانستە مرۆڤایەتییەکان ڕایگەیاند؛ کۆلێجمان بە خۆشحاڵییەوە ئامادەی هەموو هاوکاری و کارێکی زانستییە کە بتوانێت خزمەت بەو توێژەی کۆمەڵگە بکات کە بڕیاروایە کۆنفڕانسەکەی لە پێناودا ئەنجامبدرێت و ووتی؛ پاش وەرگرتنی ڕەزامەندی سەرۆکایەتی زانکۆ و وەزارەتمان کاتی ئەوە هاتووە بەشێوەیەکی جدی کار و ئامادەکاری بۆ بکرێت بە ئامانجی سەرکەوت و خزمەتکردن و گرنگیدانی زیاتر بە توێژی خاوەن پێداویستی تایبەت کە چینێکی گرنگی کۆمەڵگەکەمان پێکدەهێنێت و پێویستە گرنگی زیاتریان پێبدرێت، پ.ی.د.پاڤێ جەمیل ئە‌‌حمەد ئاماژەی بەوەشدا کە پێویستە هەوڵ بدرێت لە ڕێگەی ئەو توێژینەوانەی لە کۆنفڕانسەکەدا لەلایەن توێژەرانی ناوخۆیی و بیانی پێشکەش دەکرێت تیشک بخرێتە سەر کێشە و ئاستەنگ و کەمکوکوڕییەکانی خاوەن پێداویستی تایبەت و پاشان ئەنجامەکان ئاڕاستەی لایەنی پەیوەندیدار بکرێت.

Read More
Copyright © 2024 University of Sulaimani  – All Rights Reserved
chevron-downchevron-right-circle linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram