بەمەبەستی پاراستنی زەوی گۆڕەپانەكانی كۆلێژی پەروەردەیی جەستەیی‌و زانستە وەرزشییەكان، لیژنەی باڵای بەڕێوەچوونی فێستیڤاڵ، چەند ڕێنماییەك بڵاودەكاتەوەو داوا لەوەرزشەوانان‌و ئامادەبواون دەكات ڕەچاوی بكەن.
ڕێنمایی بۆ #وەرزشەوانان
١- پێویستە جلوبەرگی وەرزشی لەبەردا بێت.
٢- پێویستە كالە يان پێلاوی بن تەخت (فلات)ی لەپێدا بێت. نەك بن برغو یان بزماری، چونكە زیان بەگۆڕەپانەكە دەگەیەنێت.
٣- پێویستە وەرزشەوانان كاتژمێر (6)ی ئێوارە لەهۆڵەكانی یاریگای كۆلێژ ئامادە بن.
ڕێنمایی بۆ #میوان و ئامادەبووان
١- پێویستە سەرجەمیان بەجلوبەرگی وەرزشییەوە بێن.
٢- سەرجەمیان كالەیان پێلاوی بن تەخت (فلات)یان لەپێدا بێت.
#تێبینی:هاتن تەنها بۆ مامۆستایان و فەرمانبەران و کەس و کاریانە
بەهیوای بەسەربردنی كاتێكی خۆش
لە یادی (٢٤٠)هەمین ساڵڕۆژی بونیاتنانی شاری سلێمانی و لە ژێر درووشمی ” کلتور و شارستانی شاری سلێمانی” بەشی شوێنەوار لە کۆلێجی زانستەمرۆڤایەتیەکانی زانکۆی سلێمانی دیدارێکی زانستی و ڤیستیڤاڵێک سازدەکات.
وەک ئەرکێکی زانستی و گرنگی شوناس و خستنەڕووی بەڵگە شوێنەواریەکان هەڵدەستێت بە ئەنجامدانی دیدارێکی زانستی، لە ساڵرۆژی بونیادنانی شاری سلێمانی، ئەو بابەتانەی دەخرێنە ڕوو لایەنی ژیاری و زەنگینی نادیدە یا کەم دیدەی سلێمانی، ئاشنا بە ئامادەبووان دەکرێت.
📆ڕۆژی پێنج شەممە ١٤-١١-٢٠٢٤ 🕙کاتژمێر ١٠
لە دوو پانێڵدا پێشکەش دەکرێن
بەرنامەی دیدار:
کاتژمێر ١٠ دەستپێکی دیدار
وتاری بەڕێز ڕاگری کۆلێج ( پ.ی.د پاڤێ جمیل)
نمایشی بەڵگەنامەی کار و چالاکی بەشی شوێنەوار.
📍پانێڵی یەکەم: 🕙 ١٠:٣٠ 🔚 ١١:٣٠
بەڕێوبەری پانێڵ: د. هاژە جەبار
پ.ی.د. زریان حاجی : دیاریکردنی ڕۆژی بونیاتنانی شاری سلێمانی دیدێکی شارستانی و شارنشینی .
پ.ی.د. دڵشاد عەزیز مارف: ئاوەدانیە دێرینەکانی ژێر شاری سلێمانی لەبەر ڕۆشنایی دەقە مێخیەکاندا.
د. علی هیجران محمد غەریب: سلێمانی کلتووری شارنشینی و کۆمەڵایەتی سەردەمی بابان.
📍 پانێڵی دووەم: 🕙 ١١:٣٠ 🔚 ١٢:٣٠
بەڕێوەبەری پانێڵ : م. جەزا شۆڕش
د. مەهدی جەلال مستەفا : جێ نزرگەی میرانی بابان وەک دیمەنێکی پایتەختی فەرمانڕەوایەتی لە سلێمانی.
م. گۆران عەبدوڵڵا حەمە عەلی : بیناسازی شاری سلێمانی لە دیدی ویلیام هیود.
د. شوان محمد صابر : بیناسازی خانوە کەلەپووریەکانی شاری سلێمانی.
. نمایشکردنی چەندین وێنەی کەم بینراوی دێرینی سلێمانی لە پێشەنگایەکدا.
شوێن: کەمپی نوێی زانکۆی سلێمانی، کۆلێجی زانستەمرۆڤایەتیەکان، هۆڵی کۆماری کوردستان.
ڕۆژی: پێنج شەممە، ڕێکەوتی ١٤-١١-٢٠٢٤
کات: ١٠ی سەرلەبەیانی
خۆشحاڵین بەئامادەبوونتان
کۆنفرانسی کەسانی خاوەن پێداویستی تایبەت کە بۆ یەکەمجارە لەسەر ئاستی هەرێمی کوردستان کە بە شێوازێکی زانستی لە سەرجەم بوار و بابەتە پەیوەندیدارەکان بە خاوەن پێداویستی تایبەت بکۆڵێتەوە بە مەبەستی خزمەتکردنی زیاتری کەسانی خاوەن پێداویستی تایبەت.
دەستەی ئامادەکاری کۆنفرانس بە خۆشحاڵیەوە داوا لە توێژەران دەکات لە هەر کوێ هەن بۆ ئەوەی بە توێژینەوەکانیان بەشداری کۆنفرانس بکەن.
وردەکاری زیاتر سەبارەت بە تەوەرەکانی کۆنفرانس و بەروارە گرنگەکان لە وێنەکاندا روونکراونەتەوە و لە ئێستاوە توێژەران دەتوانن پوختەی توێژینەوەکانیان ئاراستەی کۆنفرانس بکەن لە رێگەی ئیمەیڵی:
ژمارەی نوێی گۆڤاری زانکۆی سلێمانی تایبەت بە توێژینەوە بەشدارەکانی کۆنفرانسی ژن لە ئاوێنەی کۆمەڵگە و مێژوودا بە دوو بەرگ بڵاوکرایەوە کە زیاتر لە ٦٨ توێژینەوەی لە خۆگرتووە.
گۆڤاری زانکۆی سلێمانی تایبەتکراوە بەو توێژینەوانەی کە لە کۆنفرانسی زانستی نێودەوڵەتی ژن بە ناونیشانی ژن لە ئاوێنەی کۆمەڵگەو مێژوودا بەشدار بوون کە کۆتایی ساڵی رابردوو لەلایەن کۆلێژی زانستە مرۆڤایەتییەکانی زانکۆی سلێمانییەوە بە هاوبەشی لەگەڵ زانکۆی جیهان رێکخرا.
کۆنفرانسی ژن لە ئاوێنەی کۆمەڵگەو مێژوودا ساڵی رابردوو لە رۆژانی ٦و٧ی ١٢ی ٢٠٢٣ بە سەرپەرشتی سەرۆکی زانکۆی سلێمانی پ.د.کۆسار محەمەد و سەرۆکی زانکۆی جیهان بەڕێز پ.د.ئومێد رەفیق بە سەرکەوتویی ئەنجام درا.
د. مۆفەق دەرگەڵەیی، دامەزرێنەرو یەکەمین سەرۆک بەشی راگەیاندن سەردانی کۆلێژی زانستە مرۆڤایەتییەکانی کرد و بەشی راگەیاندنی بەسەرکردەوە.
ئەمڕۆ سێشەممە ٢٦ی١١ی٢٠٢٤ لە بەشی ڕاگەیاندنی کۆلێژی زانستە مرۆڤایەتییەکان پێشوازیکرا لە دکتۆر مۆفەق دەرگەڵەیی، دامەزرێنەر و یەکەم سەرۆکی بەشی راگەیاندن لە ساڵی ٢٠٠٠-٢٠٠٠١ .
بەئامادەبوونی د. پاڤێ جەمیل، راگری کۆلێژو د. خەلیل محەمەد، یاریدەدەری راگرو د. کاوە عیزەدین، سەرۆکی بەشی راگەیاندن و ژمارەیەک لە مامۆستایانی بەشی راگەیاندن پێشوازی لە بەڕێزان د.مۆفەق دەرگەڵەیی و بەڕێز ژانە نیکۆڵایڤنە، ماستەر لە کۆلیژی رۆژنامەگەری زانکۆی ڤاڕۆنیژی روسیای فیدراڵ کرا.
ئامانج لەم سەردانە دۆستانەیە، بۆ لەنزیکەوە بەئاگابوون بوو لەو پێشکەوتنە زانستیانەی بەشی راگەیاندن ساڵ لەدوای ساڵ بەخۆیەوە بینیوە. پاش نزیکەی ٢٥ ساڵ لە دامەزراندنی لە ساڵی ٢٠٠٠
د. مۆفەق ئەحمەد دەرگەڵیی یەکەمین سەرۆکی بەشی راگەیاندنە کە ساڵی ٢٠٠٠ لەلایەن بەڕێزیان و چەند مامۆستایەکی دیکەی بەڕێزەوە وەک یەکەمین بەشی زانکۆیی لەسەر ئاستی کوردستان بۆ بواری راگەیاندن دامەزرا.
تیمێکی زانکۆی بۆڵۆنیای ئیتاڵیا سەردانی کۆلێجی زانستە مرۆڤایەتییەکان و بەشی شوێنەوارییان کردوو گفتوگۆیانکرد لەسەر کاری هاوبەشی زانستی لە داهاتوودا
ئەمڕۆ سێشەممە ٢٦ی ١١ی ٢٠٢٤، تیمێکی زانکۆی بۆڵۆنیای ئیتاڵی کە پێکهاتبوون لە بەڕێزان پ.د. لوکا کۆللیڤا و پ.ی.د. سێرێنێللا مانسینی، د. ئەلیس مۆزارۆ بە هاوەڵی لەگەڵ بەڕێز سۆران ئەحمەد سەرۆکی ئینستیتیوتی کوردی لە ڕۆما سەردانی بەشی شوێنەوار و کۆلێجی زانستە مرۆڤایەتییەکانیان کرد، و لەلایەن بەڕێزان د. پاڤێ جەمیل، ڕاگری کۆلێج و د. خەلیل محەمەد، یاریدەدەری راگرو د. زریان حاجی، سەرۆکی بەشی شوێنەوار و مامۆستایانی بەشی شوێنەوارەوە پێشوازییان لێکرا.
لە دیدارێکدا هەردوولا باسیان لە پتەوکردنی نێوان هەردوو بەشی شوێنەواری زانکۆی سلێمانی و زانکۆی بۆڵۆنیا کراو بڕیاریاندا کە لە ئایندەدا هەماهەنگی و پرۆژەی هاوبەشی زانستی لە بواری شوێنەوار ئەنجامبدەن.
دواتر وەفدەکە سەردانی سەرۆکایەتی زانکۆی سلێمانییان کردو لەلایەن د. کارزان غەفور، بەڕێوەبەری پەیوەندییە نێودەوڵەتییەکانی زانکۆوە پێشوازیکران. لە کۆبونەوەیەکدا باسیان لە پرۆژەی هاوبەش لە بواری شوێنەوار و راهێنان و ئامادەکردنی تاقیگە بۆ بەشی شوێنەوار و مۆزەخانەکرا، پرۆژە هاوبەشەکە لە نێوان زانکۆی سلێمانی و زانکۆی بۆڵۆنیای ئیتاڵی و ئینستیتیوتی کورد لە رۆما و چەند زانکۆیەکی تری ئەوروپی و ناوخۆیی و مۆزەخانە و بەڕێوەبەرایەتییەکانی شوێنەوار دەبێت.
